收看節目
瀏覽人次:63188次

收看節目 收聽節目 下載

節目名:鄧建明相隔10年再開個唱

主持 : Bread-TV 家族

內容:鄧建明(Joey Tang)於樂壇獨立發展第30個年頭,由1979年組樂隊Trinity至今,玩音樂玩了40年,本月他將在九展舉行其第二次個人演唱會。早前他接受電台訪問,形容是次演唱會當作是Joey音樂里程的「Box set」,他說:「今次叫Music playground,覺得一個騷應該要包括激情、慢歌,不停好似喺playground玩唔同嘅嘢,其實十年前第一次搞個人演唱會時,本來想晒我啲結他珍藏,晒得唔夠,因為經驗不足,淨係用咗一、兩支結他,後尾結他師傅話『你有冇搞錯?賽車手都揸唔同車先過癮。』今次會承傳佢呢句說話,可能三隻歌換支結他。」 過往替不少巨星做音樂監製和編曲,Joey Tang稱許志安最嚴格,譚詠麟最沒架子,他說:「除咗做《一加一減你》時,嗰次就好似我同許志安第一次拍拖,好快搞掂,成果都開心。到演唱會,佢嘅要求愈來愈高,每次都要畀到新鮮感,唔可以停留,我哋係互相催逼大家,比較嚴厲,我都驚㗎!佢覺得唔好,要特別做好啲。而阿倫同佢巡演,係唔使擔心食和飲,一定要陪佢食。」 提到兒子Justin的打鼓天分,Joey Tang說因兒子小時候着迷Queen的鼓:「Queen嘅Bass drum有個面容logo,吸引咗佢。我對節奏感拍子感係有天賦,呢樣嘢就遺傳咗畀佢。」十年前他的處男個唱時,八歲的兒子曾經做嘉賓為爸爸打鼓技驚四座,事隔十年,今年18歲的Justin隻身到澳洲升學,一到埗已獲老師推薦參加真正的Band。