Bread-TV.com

收看節目 收聽節目 下載 下載的標籤

節目名：宣萱簽約古仔旗下 再度合作演戲

主持 : Bread-TV 家族

內容：宣萱簽約古仔旗下，相隔多年再合作，宣萱形容二人默契依然，訪問期間雙方互窒吵鬧，「Mr.Cool」更罕有露齒笑，或許就如他所言：「今次我個角色嚴重失眠及出現幻視，租住宣萱屋企後先有避風港，壓力得以紓緩。」無論戲裏戲外，宣萱的樂天都感染到古仔，當了他的「安樂窩」，彼此友誼不言而寓。 戲中古仔雖犯罪，但卻不容「被屈」，為眾兄弟應得的花盡心力去「尋求公義」。煞科戲令古仔印象難忘：「拍之前嗰幾日黑雨，發現咗好多紅螞蟻，我仲要碌地，又擔心會咬到工作人員，每次埋位都要用火烘一烘。」他又笑指拍檔凌文龍對拍動作戲特別興奮：「見佢咁咪安排場3樓跳落嚟嘅戲畀佢親身上陣囉，本來有替身嘅，不過事前安排佢試咗位好多次。」 問到宣萱如何看待「器官捐贈」，她毫不忌諱地答：「18歲嗰年我喺英國考車牌，當時會夾住器官捐贈回條，我爽快咁簽咗，總之我全身可以幫到人嘅，都可以隨便拎走。可能會係中國人嘅大忌，覺得要留全屍，但我覺得唔會劏開我就算，一定會縫合嘅。」至於日後她想在影壇挑戰甚麼角色，古仔即「搶答」：「佢好少演反派，畀個壞人角色佢演吓囉。」宣萱補充：「係呀，我最多演過大婆，畀氣二奶受咋。」