Bread-TV.com

收看節目 收聽節目 下載 下載的標籤

節目名：張致恒簽字結婚咀爆老婆

主持 : Bread-TV 家族

內容：藝人張致恒（Steven）今年7月宣布婚訊，今早約10時50分，身穿禮服的Steven抱住囝囝，與着白色簡約禮服、外披灰色外套的雯雯乘白色座駕到達律師樓大廈外，跟隨尾後有一名家傭幫手拎住BB車及兩個裝飾汽球，一家三口落車應傳媒要求合照，面露微笑的Steven笑話：「囝囝發緊呆，仲未瞓醒。」 續指事情令多人受困擾，自己亦受到好多攻擊，一家三口都被痛罵，Steven洗心革面說：「好想用自己本身去證明會做番好，為屋企、家庭努力，希望大家畀多次機會我，喺度同大家道歉，困擾到大家唔好意思，之後會好好咁錫老婆同BB，畀個好嘅成長環境佢，對老婆一心一意。」問到雯雯聽到老公此番「愛的宣言」有甚麼感受？她只簡單笑話：「多謝。」問到之後會百分百信任老公？她點頭回應：「係。」 問到Steven現時的工作安排？他表示有未完成的工作，中秋過後會返內地拍一個月戲：「希望會愈做愈好，我會好好改過，都反省咗一個月，每日照顧老婆囝囝，一日煮三餐，大個仔啦，唔再犯錯，呢件事對我係有影響，始終都係做錯，好多謝身邊嘅人唔放棄我、支持我。」 剛榮升張太太的雯雯亦有在社交網發文表示：「經歷了風風雨雨，由一個人到兩個人，甚至三個人。由簽名的一刻 ，所有決定已不是對自己負責 ，而是對整個家庭。今天我真的很快樂 ，因為找到他一直行下去 ，也有家人朋友們的支持 ！其實心情超級緊張 ，原諒我不懂面對傳媒 ，就係因為太緊張 ，所以先搞到冇表情 ，我想喺度多謝大家嘅祝福，希望大家都要健康快樂生活！」