內容:「弦音教父」陳奐仁(Hanjin)在會展舉行演唱會,獲一眾好友撐場。
身穿燕尾服的Hanjin,甫開騷以多首英文歌暖場,唱到講父子情的新歌《You in My Life》時,興奮得濟臨時改詞用「Fa」哼唱了一小段。其後他唱《Cheek to Cheek》期間,興起走到台下跟張彥博及李玟跳舞。
去到個唱中段,換上運動Look的Hanjin連唱3首快歌,先有4名健碩的健身教練「伴操」,Hanjin邊唱快歌,他們邊豪邁撕開全身衣服,脫淨貼身單車褲,睇到全場Fans血脈沸騰,最後Hanjin帶來一段Solo舞蹈,展示多方面才華!
Hanjin自信爆棚指想轉型做跳唱歌手:「如果我再繼續操,會唔會有一日郭生(郭富城)會肯同我一齊跳呢?(咁你今晚開一場咪唔夠?)唔夠皮呀!想再開。」