Bread-TV.com

收看節目 收聽節目 下載 下載的標籤

節目名：祖兒MV重現20年「愛情遺物」

主持 : Bread-TV 家族

內容：容祖兒近日推出廣東歌《悲觀生物學》，原來MV暗藏密碼，導演彭秀慧在祖兒以往MV中精選出「愛情遺物」，放入新歌MV中，為祖兒同填詞人黃偉文（Wyman）合作20周年紀念作小禮物兼致敬，認真用心良苦。 　　構思MV時，為了和應歌曲主題及Wyman對《悲》的小總結，彭秀慧用了Wyman過往幫祖兒寫過大家記得虐心情歌作為呼應，「人生去到一個階段，會有唔同嘅愛情經歷，呢啲經歷唔多唔少喺你身上會留低一啲痕跡、一啲記憶，我嘗試喺Wyman嘅情歌入面去捉番一啲物品，然後擺入去《悲》MV間屋入面。」彭秀慧於祖兒的《樂觀》、《借過》、《牆紙》、《16號愛人》、《痛愛》、《天窗》、《花千樹》及《呼天不應》8首歌MV中挑選出多件「愛情遺物」，放在MV場境內。 　　在搜集「遺物」方面，彭秀慧表示非常困難，因橫跨年代太過久遠，「20年喎！《痛愛》嘅衣車，我哋真係好努力用各種方法去搵番嗰個型號喺二手、夜冷舖，甚至清水灣片廠嘅道具儲物庫都搵唔到。」拍攝時，由於衣車機位角度都要跟番《痛愛》，祖兒睇番《痛愛》 MV時忍唔住大叫：「嘩！20年啦！」