Bread-TV.com

收看節目 收聽節目 下載 下載的標籤

節目名：蕭潤邦兩父子感情深厚 新店有傳承的意思

主持 : Bread-TV 家族

內容：生煎包王子蕭潤邦同太太江若琳提早同爸爸蕭冠豪慶祝。一行三人穿上曼聯球衣表達對球隊的死忠，到旺角麥花臣球場睇波，餘興是到波鞋街，齊齊搜購波衫。阿邦講到14、15歲起，兩父子就連繫了「足球情」，他說：「我因為身高，廳嘅梳化至係我合適嘅居住環境，所以由細到大都要瞓廳。每次老竇要睇波都要出廳，咁我就一齊睇。你知一場波有中場休息，咁我哋會傾偈，乜嘢都傾，有好多嘢講，可以增進感情。」 出身於二人組合Bliss的蕭潤邦，早年以歌手身份轉營賣生煎包，談到跟爸爸的父子情，伸延到最近在旺角開業的生煎包店，因為店名用回昔日父親經營印花廠的名字。 雖然性質不同，新店依然有傳承的意思。原來蕭爸爸一直有參與生煎包店的營運，更可以說是「出品部主管」，故事源於10多年前第一間店開幕時的遭遇，阿邦說：「到而家都會記住，開店頭半年已經出現一件事。嗰陣個廚房師傅，做咗冇耐就攞咗我哋個menu，去隔籬街開咗間一模一樣嘅舖頭。通常我有乜嘢事，都會打電話畀阿爸阿媽先嘅，好似以前喺屋企肚餓，就會喺廳大叫『肚餓呀，煮個麵我食吖』咁，或者真係一啲行動上要解決，都會打畀老竇，因為知道佢唔會跣我，我又唔會跣佢。啲人話父母喺危急時候好大力，我就感受到，嗰陣老竇本身有份工，但係佢用兩個禮拜學晒我成個menu。」 蕭爸爸續說：「嗰個師傅走咗之後，企晒喺度。阿邦畀電話我問點樣，梗係諗都唔使諗，辭咗份工，仲要賠咗一個月畀公司即時走，一直幫到而家。」