瀏覽人次:57706次

收看節目 收聽節目 下載

節目名:蔡一傑加拿大音樂會 獲伍詠薇力撐

主持 : Bread-TV 家族

內容:歌手蔡一傑早前到加拿大多倫多舉行兩場音樂會,傑仔仲搵咗老友伍詠薇擔任特別嘉賓,久未登台演唱的伍姑娘為了傑仔「補鐘」學唱歌和訂造性感歌衫,不過她可能太緊張而愈食愈瘦,Low cut歌衫頻頻有下滑危機,當她忘我與傑仔在台上又唱又跳時,台上台下都跟住她一跳一驚心。 返入後台,伍詠薇仍然好亢奮說:「我好開心,好替傑仔開心,佢係我朋友、家人。呢兩場演唱會好成功,觀眾都好熱情,睇得好投入。(你做乜成日掩住心口?)哎呀,大家明明都睇住我嚟到多倫多不停食,但係愈嚟愈瘦,好驚佢瀡落嚟,我裏面真空,只有貼住兩個雞蛋仔(乳貼),一舉手就移位。山長水遠飛到嚟唱歌走光就唔好啦,好彩一切順利,返入嚟後台就可以聽住傑仔唱歌盡情跳舞啦!」 今次是傑仔入行34年以來首次個人音樂會,甚有紀念價值,歌單和舞蹈都是全新編排,傑仔以華麗、型格、活潑等多個造型演出,台上台下都非常盡興,其中當他唱日文歌《One》的時候,台下有歌迷跟住唱,令他驚喜。完騷後他風騷地說:「心情輕鬆,自己狀態好,熱眾又好熱情,所以我好Relex咁去唱,成個騷我都好鍾意,台前幕後配合得好好。雖然呢度天氣比較乾燥,但我覺得自己把聲好好,唱得好舒服,好開心。」至於「愛人」伍姑娘表現,傑仔大讚超水準。