Bread-TV.com

收看節目 收聽節目 下載 下載的標籤

節目名：羅志祥錄節目受傷　粉絲狠插製作組唔專業

主持 : Bread-TV 家族

內容：台灣藝人羅志祥（小豬）早前加入內地綜藝節目《極限挑戰5》，近日有佢嘅粉絲喺社交網鬧爆節目工作人員唔顧藝人安全超級唔專業，講到咁嚴重究發生乜事呢？ 呢位粉絲講番當時情況，話小豬跑得太快跌親，佢仲放咗兩張相出嚟，見到孭住黑色背囊嘅小豬坐咗喺地上個樣勁痛苦，同樣有份演出嘅張藝興喺隔籬好徬徨唔知點算好，但現場嘅工作人員竟然玩「The Show Must Go On」，只顧繼續拍攝冇上前了解情況，另一位藝人黃磊發現問題亦走過嚟了解情況，最後三人坐喺地成20分鐘，小豬先至可以由人幫手扶住起身，確定手肘同膝頭受傷冇辦法繼續錄影，小豬先至肯離開現場去醫院接受治療，佢臨走都有死頂痛楚，向現場粉絲揮手示意自己冇事。 小豬今次隻腳都傷得唔輕，不過撞啱近期要出新專輯，有「舞王」稱號嘅佢堅持要練舞，仲用咗15分鐘就學識咗隻新舞，不過小豬跳完之後個樣好痛苦，唔少粉絲都留言話好心痛，叫佢無論做乜嘢都要先顧住身體！