Bread-TV.com

收看節目 收聽節目 下載 下載的標籤

節目名：劉心悠指馬浚偉在她心目中已是「最佳男主角」

主持 : Bread-TV 家族

內容：藝人劉心悠前晚以露肩裝出席活動，透露曾為前男友下廚：「我煮嘢食好差，如果我肯煮，就係一件好特別嘅事，我記得嗰時係煎三文魚，有少少Overcook。」問到聖誕節可有男士約會？她說：「有人約我啦，我14號有個Show，24號就係聖誕節，大家約埋一齊一次過搞一個聖誕Party。（到時物色對象？）出席嘅都係啲好Close嘅朋友，識咗好多年，呢一刻我唔想識新朋友。」亦不會在舊朋友中發掘對象，因不會發生的就不會發生。
提到與她合拍《宮心計2深宮計》的馬浚偉，未能入圍台慶最佳男主角而惹來外界議論，心悠表示：「佢喺我心目中已經係最佳男主角，當時拍劇相處咗四、五個月，日日都見，佢係一個好努力嘅人， I Love Him，佢喺我心目中已經攞咗獎。（你都冇份提名？）我唔係TVB人，有得同佢哋合作已經好好，我未試過不停咁拍嘢，語言都係一個好大嘅挑戰，當時好似入咗訓練營咁，好感恩，已經似攞咗獎。」