收看節目
瀏覽人次:49235次

收看節目 收聽節目 下載

節目名:18年後重返無綫拍《大帥哥》張衞健

主持 : Bread-TV 家族

內容:84年參加新秀獲冠軍後入行,拍過《老友鬼鬼》、《西遊記》、《齊天大聖孫悟空》等代表作,現年53歲的健仔可說是飲無綫的「奶水」大,當年拍完《西遊記》傾續約,有人對他說:「你張衞健唔黐毛嘅話係唔值錢嘅」,不甘被睇死的健仔決定離開。
無綫成功游說健仔回巢拍《大帥哥》,有說會安排做台慶重頭劇,但事實卻變為12月「砲灰期」!健仔說:「一直以嚟,呢部劇幾時出只聞樓梯響,後來總有人會問:『拍完唔知幾時出,你個心會唔會唔舒服?』我仲未消化嘅時候,好快已感覺開心,因為見到網民寫:『還我大帥哥』,我睇到好warm,原來佢哋真係掛住我!喺開機前,我同自己講:『張衞健,你下一次再用廣東話喺香港拍長劇係幾時?』如果真係never again,每場戲設計對白身體語言,我都enjoy!」以前健仔拍十部戲,有兩、三部都是帶着心態:「如果唔係簽咗約、唔係要還負資產,我唔會拍,快啲收工,好攰!」但今次他很享受拍每場戲,希望觀眾細心去嗒他的演技:「今次我出咗十成力,出咗十成心。」