收看節目
瀏覽人次:37444次

收看節目 收聽節目 下載

節目名:Supper Moment紅館演唱會 嘉賓日本樂隊

主持 : Bread-TV 家族

內容:樂隊Supper Moment今晚在紅館展開一連3場演唱會,Sunny rap了段講述成軍12年的故事,全靠大家支持他們才能繼續下去,又多謝已故經理人Gary,叫大家畀大聲些掌聲給對方聽。唱到《To whom》時,嘉賓日本樂隊Survive Said The Prophet出場合唱,之後Sunny表示要多謝一個由細識到大的樂手朋友:「多謝呢個好難得嘅朋友,係佢影響我夾band,中學時畀我聽Band,導咗我入坑。」唱到《幸福之歌》,Sunny走到兩旁,跟觀眾握手及自拍。唱到《煩擾中起舞》及《靈感床》時,他落台與大家近距離接觸,期間他表示:「我哋可以大聲講,我哋終於上到紅館啦,呢件事真係黐線㗎!」Sunny表示:「12年啦,想講啲嘢紀錄呢個樂隊每個階段經歷嘅嘢,一直以嚟行到呢度都幾奇迹,奇迹在於愈嚟愈多好朋友加入呢個團隊,我哋樂隊最想做嘅嘢係想用音樂提醒自己,畀啲愛呢個世界,每日「碌」電話都會睇到呢個城市、呢個世界啲人好Mean(刻薄),點解唔試下欣賞別人嘅美好?點解唔睇到人哋好嘅一面,只睇到差嘅一面?希望今日嚟嘅朋友可以帶住愛離開。」隨即唱出《Supper Moment》,螢幕播出以前他們的片段。唱完原定最後一首歌《說再見了吧》後,觀眾仍不肯離場,四子再出場唱出《有你有我》,最後與全場大合照,演唱會圓滿結束。