收看節目

瀏覽人次:40985次


收看節目 收聽節目 下載

節目名:黎明騷B女照晒溫馨 樂基兒做犀利人妻

主持 : Bread-TV 家族

內容: 38歲嘅甜美人妻樂基兒(Gaile),去年遠赴美國加州與經營有機食品生意嘅男友Ian舉行浪漫婚禮,近日喺社交網分享去年嘅婚照放閃,慶祝結婚一周年。Gaile決做犀利人妻,除開咗間製作公司,仲坦言早排同老公去美國度假時密密「造人」,希望早日做媽咪與前夫睇齊呢! 樂基兒12年同黎明(Leon)結束4年婚姻,無做「天王嫂」後和前夫現各自擁有美滿家庭。Leon老來得女,上周Gaile出席活動時坦言有記者畀佢睇過前夫B女剛出世照片,亦已祝福對方。談到結婚一周年,佢表示周年紀念接近生日,僅食餐飯無特別慶祝。還甜笑提到兩夫婦都熱愛運動,暑假去美國學咗好多運動項目。在美國探親兼玩咗成個月嘅Gaile,放假生活咁輕鬆,結果增磅回歸。日前下午,成身肉又有個肚腩仔嘅Gaile穿上白tee、拖鞋街坊look現身中環太子大廈買餸。另一日,萬能妻一身運動裝又喺同一座大廈出動,呢日轉攻寢具店,先喺一間買咗袋咕????,再入另一間家品店睇相框、咕????,逗留十分鐘,又買多個淺色咕????塞入購物袋,然後折返頭一間寢具店,揀埋枕頭。最後買多兩個羽絨枕頭,碌卡找數後,就孭住兩大袋戰利品上車返家。