收看節目
瀏覽人次:44935次

收看節目 收聽節目 下載

節目名:劉德華復工開戲捱熱監督 收4,000萬 監‧演

主持 : Bread-TV 家族

內容:去年1月,劉德華(華仔)喺泰國拍廣告墮馬受傷,經過半年休養及復康治療,去年8月已逐步復工為電影配音、出席活動等。等咗年半,華仔早前強勢加盟邱禮濤執導嘅《掃毒2》。新片中,華仔除咗會火併古天樂,亦擔任監製一職。日前晚上,本報喺灣仔北直擊華仔正式復工開戲,當晚只需拍攝揸車靚仔樣嘅佢,成晚行來行去滴住汗督工,非常認真。最終華仔難頂高溫,除下西裝唞氣。 早前,有指華仔收4千萬片酬,頂替《掃毒》三大主角之一嘅張家輝接拍新片兼任監製。人氣王陳家樂曾表示好開心新片能與偶像劉德華和古天樂合作,兩位偶像在場令佢腎上腺素上升。見家樂揸槍七情上面衝入車陣,有偶像華仔在場監督,果然演技大爆發,兩、三take導演就滿意收貨。其後輪到飾演有黑社會背景嘅金融大亨華仔上場,型男穿上西裝淡定行入私家車,一Take搞掂啦,但要求高嘅華仔自動開口拍多take,睇完playback,同邱導笑笑口完美收貨。