收看節目

瀏覽人次:50538次


收看節目 收聽節目 下載

節目名:符家浚感激偶像張敬軒

主持 : Bread-TV 家族

內容:歌手符家浚(Calvert)早前推出歌曲《自動棄權》的下集《回頭開始》,他感激偶像張敬軒曾給予強心針:「佢08年嚟過我間中學,我捉住佢講我好鍾意聽佢唱歌,又會唱佢啲歌,佢叫我加油努力。」他坦言每次見到軒仔都很緊張,不知說甚麼好:「有時打招呼同點頭就算。(想合作?)如果有呢個機會當然好啦,同偶像唱歌對任何人都係非常開心嘅事。」

Calvert計劃於今年再出兩隻歌及舉行小型音樂會,明年儲夠歌就出EP。問到可會Busking?他表示一個人較難帶齊裝備,笑言間中會亂入尖沙咀的攤檔:「有啲Busker唱得幾好聽,就想同佢哋一齊玩。有啲人唱緊我嘅歌,我會企喺佢面前Say個Hi、揮個手。」提到有份參與的SENZA無伴奏合唱團,Calvert就透露SENZA推出了原創歌《四分鐘》:「希望大家多多支持。(會唔會再造惡搞歌?)如果有概念都會繼續做,唱歌都係為咗開心。」