Bread-TV.com

收看節目 收聽節目 下載 下載的標籤

節目名：陳奕迅行商場高度戒備

主持 : Bread-TV 家族

內容：「歌神」陳奕迅（Eason）早排喺俄羅斯睇世界盃揭幕戰時，因被內地fans偷拍惹混亂，搞到Eason被影到怒舉中指而有少少陰影。日前，佢和四眼造型師現身中環ifc時，好似鷹眼咁不時四圍望，行商場都高度戒備！ 

台灣樂壇盛事《金曲獎》頒獎禮剛於上周六喺台北小巨蛋舉行，Eason成為首位三度獲封「金曲歌王」嘅香港歌手，並以大比數拋離勁敵林俊傑，為港爭光！事後，Eason談到喺俄羅斯睇世界盃時因被歌迷偷拍，而激嬲一名外國人，對方向佢舉中指兼爆粗，Eason因對方先挑釁，才忍唔住向該名外國人舉中指反擊。

雖然好掃興，但Eason難得喺現場睇揭幕戰都好興奮嘅。日前下午5時，見Eason和四眼造型師及男助手現身ifc。Eason手拎咖啡和兩男邊行邊傾，開心吹水。見佢不時高度戒備左顧右盼，好怕被人認出。及後發現有記者，Eason收起笑臉，面容繃緊，然後一行人落樓上車。當待客泊車拎番條車匙畀Eason時，佢先有番笑容禮貌猛講「唔該」兼奉上一百元，坐上司機位揸番架Audi載友離開。