收看節目
瀏覽人次:64093次

收看節目 收聽節目 下載

節目名:楊明「滾」大老婆本娶莊思明

主持 : Bread-TV 家族

內容:現年37歲的藝人楊明與莊思明拍拖兩年,人前相當恩愛。然而楊明近年終於上位做小生,一劇接一劇,雄心壯志的他再與好友合資在荔枝角搞燉湯店,目前試業兩個月,主攻工業區OL市場!眾所周知,思明家底厚,但從不揮霍,拍拖後亦隨男友一樣轉以隨性打扮,平時都慳儉和貼地,去年不幸發生交通意外令愛驅Total Lost,上月才以50多萬元購入紅色戰車。

榮升老闆的楊明,提到在店面做「生招牌」時笑說:「都係間唔中落去幫頭幫尾,目前都係熟習樓面啲執餐工夫,廚房入面仲係乜都唔識,都係我拍檔負責食物同燉湯。開店前有大家開會,研究邊啲湯水有功效、有益啲。」他透露為新店投資六位數字:「都有計劃短期內再開分店,希望喺寫字樓區開到店畀街坊試。」是否趕儲老婆本?楊明即笑言:「盡力啦!盡力啦!」

思明事後受訪,提到以「老闆娘」身份視察,她說:「間店我冇份㗎,係佢同朋友夾份,我好少落去,佢耐唔耐就會去幫手,特別係午飯時間,真係會做到踢晒腳,佢都唔好意思靠拍檔打理晒間舖。」