收看節目
瀏覽人次:50480次

收看節目 收聽節目 下載

節目名:美加巡唱阿Sa力敵時差 阿嬌唔畀男粉拖手仔

主持 : Bread-TV 家族

內容:《Twins Lol live around the world 世界巡迴演唱會》在溫哥華和洛杉磯完美閉幕。巡演超過三年,轉眼間這次是她們的第21和22塲演唱會。碰巧演出期間,兩人又一齊共度了Twins成軍17年,不少歌迷特地由香港飛往美加欣賞演唱會與他們一同慶祝,令他們又開心又感觸。

第一次到美加巡唱,阿Sa(蔡卓妍)敵不過時差問題,覺得十分累,唱完又要趕下一站,她無奈苦笑說:「最後一站多倫多,又同依家喺溫哥華差三個鐘,我決定唔再調時差喇!眼瞓就瞓,唔想瞓就醒住,餓就食啦!真係冇辦法,調到一陣返到香港又要調番,好痛苦。阿嬌(鍾欣潼)就好啦,佢一向喺美國時間活着,哈哈……所以時差影響唔到佢。不過就差啲食錯安眠藥,哈哈哈……」阿嬌就話:「時差真係對我冇咩影響,我剛剛係想食敏感藥,不過差啲攞錯咗安眠藥,食咗就唔使唱喇,哈哈……」

Twins喺洛杉磯站請咗一位男粉絲上台合唱《死性不改》,點知個男粉絲喺台上面唱唱吓,伸出右手有意拖住鍾欣潼隻手一齊唱,點知阿嬌立即縮一縮開,仲將隻手放咗係自己條腰位置,保持笑容表現得好鎮定。男粉慘食檸檬後就若無其事繼續唱,全場見狀都尖叫。