Bread-TV.com

收看節目 收聽節目 下載 下載的標籤

節目名：姜皓文着女裝性感內衣 新戲《翠絲》演變性人

主持 : Bread-TV 家族

內容：天下一電影趁著今年香港影視界大事「香港國際影視展」舉行前夕，公佈咗今、明兩年將會投資、製作、發行嘅電影作品，好似有投資四億嘅科幻鉅製《明日戰記》、《尋秦記》、《雞蛋仔》、《紙皮婆婆》等等...
仲有張家輝第三部自導自演嘅作品《低壓槽》、由爾冬陞監製，是馮志強集原創故事、編劇及導演於一身的驚悚犯罪電影《犯罪現場》、由吳鎮宇、潘燦良、黃德斌、胡子彤、胡定欣及余香凝等演出嘅《逆流大叔》、由姜皓文及廖子妤擔演男、女主角嘅《電影痴漢》。
最近唔少人都留意姜皓文(黑仔)愈嚟愈瘦，原來佢喺為咗新戲造型刻意減肥。黑仔喺《翠絲》入面扮演變性人，佢之前已經話為咗呢套戲做好晒身、心準備，今日《翠絲》嘅電影海報亦都終於曝光，見到黑仔的格仔恤衫入面穿了紫紅色性感內衣，再配上喱士吊帶絲襪，海報上更寫住「他 是女人，外面不是;裡面是。」的字句。
呢套戲由舒琪及廖婉虹監製、「鮮浪潮電影節」最佳導演李駿碩執導，喺《翠絲》最新曝光嘅先導海報入面，可以睇到黑仔姜晧文着咗女性嘅性感內衣，令人十分期待佢嘅演出。