Bread-TV.com

收看節目 收聽節目 下載 下載的標籤

節目名：【夜空閃耀花火】Eason徐濠縈雪地錫錫放閃

主持 : Bread-TV 家族

內容：陳奕迅（Eason) 趁著老婆徐濠縈（阿徐）生日之前約埋一大班朋友去咗日本旅遊兼慶生，成個行程非常豐富，除咗滑雪呢啲節目之外，仲有謝霆鋒同王菲齊齊去唱k，亦有同梁朝偉劉嘉玲一齊食飯，咁究竟去到阿徐正日生日仲會有啲乜嘢玩呢？ 呢個謎終於由阿徐親自解開，佢喺社交網post咗一堆相同片，見到Eason同DJ細 So各自托住一大扎煙花行上雪山，之後一條片見到喺雪山度插咗好多支煙花，一齊點場面好壯觀，漆黑夜空配百濛濛雪山再加閃耀花火，呢一幕夜空火花充滿詩意，Eason同阿徐雖然結婚超過十年可以算得上老夫老妻，不過係咁浪漫嘅環境下，佢哋都忍唔住要當場錫完再錫曬下恩愛。呢個咁有心思嘅慶生活動，相信阿徐都一定冧到爆。