Bread-TV.com

收看節目 收聽節目 下載 下載的標籤

節目名：郭富城病住慰透Bra方媛, 化身「三陪」無怨言!

主持 : Bread-TV 家族

內容：現年52歲的天王郭富城，去年4月迎娶較他年輕22歲的內地女模方媛，同年9月，方媛為他誕下女兒Chant，一家三口幸福滿瀉。城城早前到內地宣傳電影，完成工作後急急回港慰妻女，身體抱恙的他前日到養和醫院睇醫生。他睇完醫生隨即離開醫院，病住都要做廿四孝老公，搭車趕往中環一間髮型屋會合老婆Moka，化身「三陪」！他先陪伴早已在店內的Moka剪頭髮，呆坐等足3個小時亦冇怨言，兩夫婦之後轉戰另一名店TOD'S揀鞋。入店後，城城與Moka解除戒備，城城除下口罩邊講電話邊揀鞋，在店內滿場飛揀選心頭好。愛妻心切的城城買了13對女裝鞋給Moka，自己則買了5對男裝鞋。見到記者在場即點頭打招呼，風騷的Moka一直甜笑。穿黑衫的她身材激凸之餘，透出白色Bra，極為搶眼！問到城城新年會在哪度過？他說：「香港！（會唔會陪太太返內地探親？）喺香港。（同囡囡齊齊過年？）當然啦。」